وەزارەتی دارایی هەرێم ڕایدەگەیەنێت" لیستی موچەی مانگی حوزەیران رادەستی وەزارەتی دارایی عێراق كرا".
وه‌زاره‌تی دارایی و ئابووری هەرێم، کەمێک پێش ئێستا له راگه‌یه‌ندراوێكدا بڵاویکردەوە" دوای تەواوکردنی سەرجەم ڕێکارەکان ئێوارەی ڕۆژی پێنجشەممە ٢٧ی حوزەیرانی ٢٠٢٤ لیستی مووچەی مانگی حوزەیرانی سەرجەم فەرمانبەران و خانەنشینان و مووچەخۆرانی هەرێمی کوردستان بە شارستانی و سەربازیەوە ئامادەکراو ڕەوانەی بەغداد کرا".
ئاماژەی بەوەشکردووە، سەرلەبەیانی ئەمڕۆ شەممە سەرجەم لیستەکان لە لایەن تیمی وەزارەتی دارایی حکومەتی هەرێمی کوردستانەوە رادەستی بەڕێوبەرایەتی گشتی ژمێریاری لە وەزارەتی دارایی حکومەتی فیدراڵی کرا.