ئێوارەی ئەمڕۆ یەکشەممە ٣٠ی حوزەیرانی ٢٠٢٤ لە ڕووداوێكی سەختی هاتووچۆدا لەسەر ڕێگای (كەركوك - بەغداد) سێ كەس گیانیان لەدەستدا.
ئێوارەی ئەمڕۆ لەسەر ڕێگای سەرەكی (كەركوك - بەغداد) نزیک ناحیەی سلێمان بەگ ڕووداوێكی سەختی هاتووچۆ لە نێوان دوو ئۆتۆمبێل و بارهەڵگرێكدا ڕوویدا.
بەپێی زانیارییە سەرەتاییەکان، لە ئەنجامی ڕووداوەکە سێ هاوڵاتی گیانیان لەدەستداوە و چوار كەسی دیكەش بریندار بوون.
دوای ڕووداوەکە تەرمی قوربانییەکان بە مەبەستی توێکاری رەوانەی پزیشکی دادی پارێزگای کەرکوک کران.