وەزارەتی دارایی عێراق بڕیاری خەرجکردنی مووچەی مانگی شەشی فەرمانبەرانی هەرێمی داوە و سبەی یەکەم گوژمەی پارەکە دەخرێتە سەر هەژماری هەرێمی کوردستان.
سەرچاوەیەک لە وەزارەتی دارایی و ئابووری هەرێمی کوردستان رایگەیاند" وەزارەتی دارایی عێراق بڕیاری خەرجکردنی مووچەی مانگی شەشی فەرمانبەرانی هەرێمی داوە و بڕیارە سبەی چوارشەممە یەکەم گوژمەی پارەکە بخرێتە سەر هەژماری هەرێمی کوردستان".
ئاماژەی بەوەشداوە کە دوای گەیشتنی یەکەم گوژمە وەزارەتی دارایی هەرێم لیستی مووچە رادەگەیەنێت و دەست بە دابەشکردنی مووچەی مانگی شەش دەکرێت.
جەختی لەوەشکردەوە کە هاوشێوەی مانگەکانی رابردوو وەزارەتی دارایی عێراق بەچەند گوژمەیەک پارەی مووچە بۆ هەرێمی کوردستان دەنێرێت.