بەیانی ئەمڕۆ سێشەممە بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" پلەکانی گەرما بە بەرزی دەمێننەوە و سبەینێش خێرای با زیاد دەکات".
بەپێی پێشبینییەکانی کەشناسی هەرێم، ئەمڕۆ بەگشتی ئاسمان ساماڵ دەبێت، هاوکات پلەکانی گەرما نزیک دەبنەوە لە تۆمارکراوەکانی دوێنێ، خێرای باش (٥ - ١٥)کم دەبێت بە ئاڕاستەی باکوری خۆرئاوا و مەودای بینین (٨ - ١٠)کم دەبێت.
ئەوەشی خستەڕوو، سبەینێ چوارشەممە ئاسمان ساماڵ و پەڵە هەور دەبێت، لە ناوچە سنووریەکانی باشووری هەرێم ئەگەری بەرزبوونەوەی تۆز هەیە، هەروەها پلەکانی گەرما نزیک دەبنەوە لە تۆمارکراوەکانی ئەمڕۆ، خێرای باش (٥ - ٢٠)کم دەبێت، بەڵام هەندێک کات خێرای با چالاک دەبێت بۆ سەرووی ٣٠ بە ئاڕاستەی باکوری ڕۆژئاوا و مەودای بینین (٧ - ٩)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٤٤
سلێمانی: ٤٢
دهۆک: ٤٣
زاخۆ: ٤٣
هەڵەبجە: ٤٤
کەرکوک: ٤٦
سۆران: ٤٢
حاجی ئۆمەران: ٣٢
گەرمیان: ٤٧