پێشنیوەڕۆی ئەمڕۆ چوارشەممە بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" ئەمڕۆ و سبەی ئاسمان ساماڵ و پەڵە هەور دەبێت و پلەکانی گەرماش دادەبەزن".
بەپێی پێشبینییەکانی کەشناسی هەرێم، ئەمڕۆ ئاسمان ساماڵ و پەڵە هەور دەبێت، لە بەشێک لە سنوورى باشووری هەرێم کەمێک تۆز و خۆڵ دەبێت، هاوکات پلەکانی گەرما نزیک دەبنەوە لە تۆمارکراوەکانی دوێنێ، خێرای باش (٥ - ٢٠)کم دەبێت بە ئاڕاستەی باکوری خۆرئاوا و مەودای بینین (٧ - ٩)کم دەبێت.
ئەوەشی خستەڕوو، سبەینێ پێنج شەممە ئاسمان ساماڵ و پەڵە هەور دەبێت، لە ناوچە سنووریەکان ئەگەری بەرزبوونەوەی تۆز و خۆڵێکی سوک هەیە، هەروەها پلەکانی گەرما کەمێک نزمدەبنەوە، خێرای باش (٥ - ٢٠)کم دەبێت، مەودای بینین (٧ - ٩)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٤٣
سلێمانی: ٤١
دهۆک: ٤١
زاخۆ: ٤٢
هەڵەبجە: ٤٤
کەرکوک: ٤٦
سۆران: ٤١
حاجی ئۆمەران: ٣٢
گەرمیان: ٤٦