سەرچاوەیەک لە لیژنەی سووتەمەنی سلێمانی ئاماژە بۆئەوەدەکات کە ئەم هەفتەیە دابەشکردنی نەوت لە سەنتەری شاری سلێمانی دەستپێدەکات و بۆ هەر خێزانێك بڕی ٢٠٠ لیتر نەوتیان پێدەدرێت.
سەرچاوەیەك لە لیژنەی سووتەمەنی سلێمانی رایگەیاندووە" دابەشكردنی نەوتیان لەدەرەوەی شارەكان دەستپێكردووە، سەرەتا لە سنووری قەزای پشدەر و ڕۆژی پێنج شەممەش بەردەوام بوو لەگەڵ ئەوەشدا لە سنووری هەڵەبجە لە هەورامان دەستی پێكرد".
ئەو سرچاوەیە ئاشکرای کرد" بڕیارە ئەم هەفتەیە لەناو شاری سلێمانی-ش دابەشكردنی نەوت دەستپێبكات بەجۆرێك ڕۆژێك ناوشار و ڕۆژێك دەرەوەی شار دابەش بكرێت و سەرەتاش لە سنووری مەڵبەندی ١-ەوە دەستپێدەكات".
ئاماژەی بۆ ئەوەشداوە بۆ هەر خێزانێك بڕی ٢٠٠ لیتر نەوتیان بە بڕی ١٠٤ هەزار دینار پێ دەدرێت.