پێشنیوەڕۆی ئەمڕۆ شەممە بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" ئەمڕۆ و سبەی پلەکانی گەرما دادەبەزن و خێرایی باش زیاد دەکات".
بەپێی پێشبینییەکانی کەشناسی هەرێم، ئەمڕۆ ئاسمان ساماڵ دەبێت، خیرایی با چاڵاک دەبێت بۆ سەرووی ٣٥کم/س بە تایبەتی لە پارێزگای سلێمانی و کەرکوک و ناوچەی گەرمیان، هاوکات پلەکانی گەرما بەراورد لە تۆمارکراوەکانی دوێنێ (٣ تا ١) پلە دادەبەزن، خێرای باش (١٠ - ٢٥)کم دەبێت بە ئاڕاستەی باکوری خۆرهەڵات و مەودای بینین (٨ - ١٠)کم دەبێت.
ئەوەشی خستەڕوو، سبەینێ یەکشەممە ئاسمان ساماڵ دەبێت، هەروەها پلەکانی گەرما بەراورد بە تۆمارکراوەکانی ئەمڕۆ دادەبەزن، خێرای باش (١٠ - ٢٥)کم دەبێت، بەڵام لە دواینیوەرۆ چاڵاک دەبێت بۆ سەرووی ٣٥کم/س، مەودای بینین (٨ - ١٠)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٣٣
سلێمانی: ٣١
دهۆک: ٣٢
زاخۆ: ٣٣
هەڵەبجە: ٣٤
کەرکوک: ٣٦
سۆران: ٣١
حاجی ئۆمەران: ١٨
گەرمیان: ٣٨