وەزیری تەندروستی هەرێم ڕایدەگەیەنێت" زیاتر لە چوار هەزار پزیشکی پسپۆڕی ددان و دەرمانساز لە هەرێم دادەمەزرێن".
سامان بەرزنجی وەزیری تەندروستی هەرێم، ئەمڕۆ یەکشەممە ٢٩ی ئەیلولی ٢٠٢٤ لە کۆنگرەیەکی ڕۆژنامەوانیدا ڕایگەیاند" مەسرور بارزانی سەرۆکی حکومەت فەرمانی وەزاری بۆ دامەزراندنی ٤ هەزار و ٤١٣ پزیشکی پسپۆڕی ددان و دەرمانساز واژوو کردووە".
وتیشی" ماوەی نۆ ساڵە ئەو پزیشکانە دانەمەزراون".
سامان بەرزنجی ئەوەشی خستەڕوو، ئەگەر کۆی ماوەی خزمەتیان لە نێوان ساڵێک بۆ سێ ساڵدا بێت، ئەوا مۆڵەتی کارکردن و کلینیکی کراوەیان پێدەدرێت.