تورکیا لە بناری چیای مەتین لە قەزای ئامێدی سەر بە پارێزگای دهۆك رێگایەك دروست دەکات نو خاڵی سەربازی پێکەوە دەبەستێتەوە.
ماوەی سێ مانگە سوپای تورکیا هێزێکی زۆری سەربازی بەچەك و کەلۆپەلی سەربازیەوە لە بناری چیای مەتین لە لەقەزای ئامێدی جێگیرکردووە .
لە سەرەتای مانگی تەمووزی ئەمساڵ سوپای تورکیا لە گەلی سەرگەلێ لە دەڤەری نهێل خالێکی سەربازی بە چەکێ قورسەوە دروست کرد و دواتر لە گەلی رەشاڤە خاڵێکی تری دانا و هێزی زۆری لێی جێگیرکرا.
بەپێ زانیاریەکان (سپی) دوای دانانی خاڵی سەربازی، سوپاس تورکیا دەستیانکرد بە دروستکردنی رێگا لە ناو رەز و باخی هاوڵاتیانی گوندەواری رۆژهەڵاتی ئامێدی ئەم کارەش جوتیار و خاوەنی ئەو رەزو باخانە تۆرەکرد.
بەدروستکردنێ ئەو رێگایە سوپای تورکیا زۆرترین زیان بە رەز و باخی خەڵکی گوندی گوهەرزێ لە ناحیەی دێرەلۆك گەیاندووە چونکە رێگاکە زیاتر لە ٨ کم لەناو ئاقاری گوندەکەیان تێپەردەبێت.
هەر بەپێ زانیاریەکان سوپای تورکیا سێ خاڵی سەربازی لە دەوروبەری گوندی گوهەرزێی سەرو و حەوت خاڵی تر لە بناری چیای مەتین داناوە و لە سێ مانگی رابردوو زیاتر لە ٥٠٠ دۆنمی پۆش و پاوان و ڕەز و باخی هاوڵاتیان و سەدان داری سرۆشتی سوتاون.
دوای دەستپێکردنی ئۆپراسیۆنی چنگ-قوفلی سوپای تورکیا لە دەڤەری ئامێدی شەش گوندی ناوچەکە بە تەواوی چۆڵکراون و بەهۆی تۆپباران و بۆردومانی هەرەمەکی زیانێکی زۆری ماددی بە هاوڵاتیانی ناوچەکە گەیشتووە