وەزارەتی دارایی ئاگادارییەکی بڵاوکردەوە و دەڵێت" سبەی و دوسبەی دەوامی فەرمییە و بچن بایۆمەتری بکەن"
لە راگەیەنراوێکدا وەزارەتی دارایی حکومەتی هەرێم رایگەیاند" بەڕێوبەرایەتی گشتی بانکە بازرگانیەکانی وەزارەتی دارایی و ئابووری لە پێناو کارئاسانی زیاتر بۆ ئەو فەرمانبەرو مووچەخۆرانەی تا ئێستا بایۆمەتریان نەکردووە، سبەی هەینی و دوو سبەی شەممە دەوامی سەرجەم ئەو بانکانە کراوە دەبێت کە ئەرکی تۆمارکردنی بایۆمەتریان تیادا ئەنجام دەدرێت".
ئەوەشیخستووەتەڕوو لەو دوو رۆژەدا مووچەخۆران و فەرمانبەران دەتوانن سەردانی بانکەکان بکەن بەمەبەستی خۆتۆمارکردنیان لە سیستەمی بایۆمەتری.
جێی باسە یەکێک لە گرفتەکانی مووچە لەنیوان حکومەتی هەرێم و بەغدا، نەبوونی بایۆمەتری بەشێک لە مووچەخۆرانی هەرێمە کە بەنزیکەیی ٢٢٣ هەزار مووچەخۆر دەکات، کە مانگانە بەو بیانووەوە مووچەکانیان ڕادەگیرێت.