شەوی ١٧ی تشرینی یەکەم کاتژمێر ٩:٥٥ لە ناحیەی تەق تەق فڕۆکەی جەنگی دوو ئۆتۆمبیل دەکاتە ئامانج.
کامەران عوسمان لە تیمی رێکخراوی ئاشتی لە راگەیاندنێکدا دەڵێت" لە کاتژمێر ٩:٥٥ خولەکی ئەمشەودا، دوو فڕۆکەی جەنگی، چوار جار بۆردوومانی (زنجیرە چیای خاڵخاڵان)یان کرد لە نێوان ناحیەی تەق تەقی سەر بە شارۆچکەی کۆیە و ناحیەی شوان".
ناوبراو دەشڵێت "ئامانجی فڕۆکەکان، دوو ئۆتۆمبێل بوون و هەردووکیان پێکراون".
ئاماژە بەوەش دەکات کە تاوەکو ئێستا نازاندرێت فڕۆکە جەنگییە هێرشکەرەکان هی کام ووڵاتە بوون، هەروەها زیانە گیانییەکان نەزانراون.