ئەندامێکی پەرلەمانی عێراق دەڵێت" لیستی مووچەی مانگی ١٠ لەكاتی خۆیدا بۆ بەغداد نەنێردرا ئەوەش وایكرد ناردنی پارەی تەرخانكراو بۆ مووچەی مانگی ١٠ دوابكەوێت " ئاماژەی بۆ ئەوەش کردووە تەیف سامی واژۆی لەسەر ناردنی ٧٦١ ملیار دینارەكە بۆ مووچەى فەرمانبەرانی هەرێمی كوردستانی كردووە.

دارا سێكانیانی ئەندامی ئەنجومەنی نوێنەرانی عێراق لە لێدوانێكی رۆژنامەوانیدا ڕایگەیاند: تەیف سامی وەزیری دارایی عێراق واژووی لەسەر ناردنی ٧٦١ ملیار دینارەكە بۆ مووچەى فەرمانبەرانی هەرێمی كوردستانی كردووە.

ئاشکراشی کرد" لیستی مووچەی مانگی ١٠ لەكاتی خۆیدا بۆ بەغداد نەنێردرا و دواتر بەغدا تێبینی لەسەر لیستەكه هەبوو و نێردرایەوە و ئەوەش وایكرد ناردنی پارەی تەرخانكراو بۆ مووچەی مانگی ١٠ دوابكەوێت".

وتيشى"تەیف سامی وەزیری دارایی عێراق واژووی لەسەر ناردنی ٧٦١ ملیار دینار بۆ مووچەی مانگی ١٠ی مووچەخۆرانی هەرێم كردووە و رێكاری كارگێڕی و دارایی ماوه تەواوبكرێن پارەكە دەنێردرێت".