سێیەم کۆبوونەوەی شاندی هەرێم و بەغدا لەسەر مووچەی خانەنشینان دەستی پێکرد.
ئەمڕۆ یەکشەممە ٢ـی شوباتـی ٢٠٢٥، سێیەم کۆبوونەوەی شاندی هەرێم و بەغدا دەستی پێکرد بۆ یەکلایی کردنەوەی پرسی مووچە بەمەبەستی دووبارە وردبینی و هاوتاکردنەوەی داتاکانی مووچەی خانەنشینانی مەدەنی و گرێبەست و پاراستنی کۆمەڵایەتی.
هاوکات بڕیارە تا سبەی بەغدا بڕی ٩٥٠ ملیار دینار بۆ مووچەی مانگی یەکی هەرێم بنێرێت و چاوەڕوان دەکەن تا سێشەممە پارەی مووچەی مانگی یەک بگاتە هەرێم و لە هەوڵی ئەوەدان مووچەی مانگی یەک لەماوەی پێنج رۆژدا دابەشبکەن.
رۆژی هەینی دوای سێ کاتژمێر کۆبوونەوەی یەکەمی وەفدی وەزارەتی دارایی عێراق و وەزارەتی دارایی هەرێم بە سەرپەرشتی فواد حسێن، ئاوات شێخ جەناب، بە بێ بڕیار کۆتاییهات و دواتر وەزیری دارایی هەرێم بە رۆژنامەنووسانی ڕایگەیاند " لەێکتێگەیشتنی باش هەیە و سبەینێش کۆبوونەوە بەردەوام دەبێت".
لای خۆشییەوە وەزارەتی دارایی و ئابووریی هەرێمی کوردستان لەبارەی ئەنجامی کۆبوونەوەکەدا راگەیەندراوێکی بڵاوکردەوە و وتی" کۆبوونەوەکە لەبارەی بودجە و مووچەی هەرێمی کوردستان لە کەشێکی ئیجابی و بەرپرسیارانەدا بوو.