ئەمڕۆ دووشەممە ئەنجومەنی سەرتاسەری مامۆستایان و فەرمانبەرانی ناڕازی لەبارەی خۆپیشاندانە بەرفراوانەکەی ئەمڕۆ پەیامێکیان بڵاوکردەوە و دەڵێن" هەر لایەنێک دەستشکانەوە لەگەڵ ئیرادەمان بکات، سەرەنجام دەشکێتەوە و بەچۆکدا دێت".
ئەنجومەنی سەرتاسەری مامۆستایان و فەرمانبەرانی ناڕازی، لە پەیامێکدا ڕایانگەیاندووە" پڕ بەدڵ سوپاسی بەدەمەوەهاتنی بەرفراوان و هەڵوێستی مەردانە و بوێرانەی هاوڵاتییان و چین و توێژەکان دەکەین دەستی پێزانین و وەفاداری بەسنگەوە دەگرین بۆتان کە بەدەنگ بانگەوازەکەمانەوە هاتن و بەگوڕوتینەوە بەشداری خۆپیشاندان و ڕێپێوانی جەماوەری ئەمڕۆتان کرد".
دەشڵێن" سەلماندتان ئیرادەی پۆڵایینی ئێوە، گرەوی لەسەر ناکرێت و هەر لایەنێک دەستشکانەوە لەگەڵ ئیرادە و بازووی هێزمان بکات، سەرەنجام دەشکێتەوە و بەچۆکدا یەت".
ئەمەش لە کاتێکدایە، بەیانی ئەمڕۆ ئەنجومەنی سەرتاسەری مامۆستایان و فەرمانبەران خۆپیشاندانێکی بەرفراوانیان بۆ پشتیوانی لە مامۆستایان و فەرمانبەرانی مانگرتوو ئەنجام دا.
ماوهى حەوت ڕۆژه ژمارەیەک مامۆستا و فهرمانبهر دژی دواكهوتنى مووچەکانیان مانیان له خواردن گرتووە و لە بەردەم بارەگای نەتەوەیەکگرتووەکان خێمەیان هەڵداوە.