دەستەی کەشناسی و بومەلەرزەزانی عێراق ڕایگەیاند" لە سەرەتای هەفتەی داهاتودا شەپۆلێکی بەفربارین ڕو لە عێراق و هەرێم دەکات و لە نۆ پارێزگا بەفر دەبارێت".
دەستەی گشتی کەشناسی و بومەلەرزەزانی عێراق، بڵاوی کردەوە، لە سەرەتای هەفتەی داهاتو شەپۆلێکی سەرما و بەفربارین ڕو لە عێراق دەکات وبەهۆیەوە لە نۆ پارێزگای عێراق و هەرێمی کوردستان بەفر دەبارێت.
دەستەی کەشناسی راشیگەیاندوە"بەفربارین پارێزگاکانی نەینەوا، ئەنبار، سەڵاحەدین، کەرکوک، دیالە، سلێمانی، هەولێر و دهۆک دەگرێتەوە و لەناوچە شاخاوییەکانیش پێشبینی بارینی بەفرێکی زۆر دەکرێت".
دەستەکە پێشبینی ئەوەی کردوە، لە ڕۆژی ٢٣ی ئەم مانگدا شەپۆلەکە بەغدادیش بگرێتەوە بەڵام بە ڕێژەیەکی کەم.