بەڕێوەبەرایەتی گشتی پەروەردەی هەڵەبجەی شەهید ڕایدەگەیەنێت، سبەینێ سەردانی ژمێریاری لە دیوانی پەروەردە بكەن بۆ وەرگرتنی چەكی مووچەی مانگی شوبات.
بەڕێوەبەرایەتی گشتی پەروەردەی هەڵەبجەی شەهید لە ئاگادارییەكدا بۆ بەڕێوەبەری باخچە و خوێندنگەکان ئاماژەی بەوەكردووە، سبەی دوو شەممە ١٧ی ئازار کاتژمێر ٩ی سەرلەبەیانی سەردانی بەڕێوەبەرێتی ژمێریاری لە دیوانی بەڕێوەبەرایەتی گشتی پەروەردەی هەڵەبجەی شەهید بكەن.
ڕاشیگەیاندووە، چەک و لیستی مووچەی مانگی ( ٢ )ی ساڵی ٢٠٢٥یان پێ دەدرێت.
بەپێی خشتەی دابەشكردنی مووچە، كە وەزارەتی دارایی هەرێم بڵاویكردۆتەوە، سبەینێ مووچەی وەزارەتی پەروەردە و بەشێكی زۆری فەرمانگە و وەزارەتەكان دابەش دەكرێت.