20 پەرلەمانتار لە یاداشتێکدا ئاراستەی‌ سەرۆکایەتی‌ پەرلەمانیان کردوە، داوای‌ لێکۆڵینەوە له‌روداوه‌كه‌ی‌ دوێنێ‌ی‌ كه‌لار ده‌كه‌ن کە هێزێکی‌ میلشایی‌ شیعەکان بەناوی‌ بەدر بەرامبەر مامۆستا فەرهاد یاوەر و خوێندکارانی‌ کچ له زانکۆی‌ کەلاردا كردیان.
 

بۆ به‌رێز/ سه‌رۆكایه‌تی‌ په‌رله‌مانی‌ كوردستان
بابه‌ت/ یاداشت


ســــڵاو و رێز ...
  له‌ دوای‌ هاتنی‌ تیروریستانی‌ داعش و ئه‌و دۆخه‌ ناهه‌مواره‌ی‌ ناوچه‌ كوردستانیه‌كانی‌ ده‌ره‌وه‌ی‌ هه‌رێمی‌ گرتۆته‌وه‌ هێزێكی‌ میلیشیای‌ شیعه‌كان به‌ناوی‌ هێزی‌ به‌در هاتونه‌ته‌ ناچه‌كانی‌ حه‌مرین و ژماره‌یه‌كیان له‌ قه‌زای‌ دوزخورماتو جێگیرن كه‌ رۆژانه‌ گرفت بۆ هاوڵاتانی‌ ناوچه‌كه‌ دروست ده‌كه‌ن و به‌ ئاشكرا چه‌ند جارێكه‌ به‌ناو قه‌زاكانی‌ كه‌لارو كفریدا ده‌سورێنه‌وه‌ كه‌ له‌ دواین جاردا رۆژی‌ 25/11 له‌ كاتی‌ پێپه‌ربونیان به‌ناو قه‌زای‌ كه‌لاردا سوكایه‌تی‌ به‌ مامۆستایه‌ك ده‌كه‌ن به‌ناوی‌ (فه‌رهاد یاوه‌ر احمد) له‌ قوتابخانه‌ی‌ هه‌ڵۆی‌ بنه‌ڕه‌تی‌ هه‌وره‌ها سوكایه‌تی‌ و گێچه‌ڵ به‌ ژماره‌یه‌ك حۆێندكاری‌ كچی‌ زانكۆ ده‌كه‌ن.  به‌رێزان ئێمه‌ ژماره‌یه‌ك په‌رله‌مانتار داواده‌كه‌ین لێكۆلێنه‌وه‌ له‌م روداوه‌و هۆكاری‌ بونی‌ ئه‌و هێزانه‌ بكرێت له‌ سنوری‌ گه‌رمیان، له‌ كاتێكدا ئاشكرایه‌ قه‌زاكانی‌ كه‌لار و كفری‌ دورن له‌ به‌ره‌كانی‌ جه‌نگه‌وه‌.  

له‌گه‌ڵ رێزدا...