کەشناسی کەشی پێشبینیکراوی ٤٨ کاتژمێری داهاتووبڵاوکردەوە و پلکانی گەرما نزم دەبنەوە و لە هەندێک ناوچە تاوەباران و زیادبوونی خێرایی با هەیە کە هەندێ کات بەرزبوونەوەی تۆز و خۆڵی لەگەڵدا دەبێت.
بە گوێرەی پێشبینییەکانی کەشناسی ئەمڕۆ یەک شەممە کەشی ئاسمان ساماڵ و پەڵە هەور دەبێت لە ناوچە شاخاوییەکان هەوری زیاتر دەبێت و پلەکانی گەرما نزیک دەبێتەوە لە تۆمارکراوەکانی دوێنێ .
ئاشکراشی دەکات کە سبەی دوو شەممە کەشی نیمچە هەور دەبێت بەگشتی ، لە ئەنجامی دروست بوونی ناجێگیریەک لەسەر ناوچەکەمان ئەگەری تاوەباران لە سەر بەشێک لە ناوچە شاخاوییەکان هەیە بەشێوەی نمە بارانی پچڕ پچڕ و هەندێ کات هەورە تریشقەی لەگەڵ دەبێت ، لەگەڵ ئەم ناجێگیریە لەکەشدا ئەگەری زیادبوونی خێرایی با هەیە کە هەندێ کات بەرزبوونەوەی تۆز و خۆڵی لەگەڵدا دەبێت ، ئەگەری باران بارین لە سەر سنووری ناوچە شاخاوییەکانی پارێزگای دهۆک و سلێمانی زیاتر دەبێت .
ئاماژەی بەوەداوە کە پلەکانی گەرما نزم دەبێتەوە بە ( ٢ – ٥ ) پلەی سیلیزی لە تۆمارکراوەکانی ئەمڕۆ وەک لە خوارەوە ئاماژەیان پێدراوە.
بەرزترین پلەکانی گەرمای پێشبینیکراو بە پلەی سیلیزی
هەولێر : ٣٢ پلەی سیلیزی
سلێمانی : ٣٠ پلەی سیلیزی
دهۆک : ٣٠ پلەی سیلیزی
کەرکوک : ٣٤ پلەی سیلیزی
زاخۆ : ٣١ پلەی سیلیزی
هەڵەبجە : ٣٠ پلەی سیلیزی
سۆران : ٢٩ پلەی سیلیزی
حاجی ئۆمەران :١٩ پلەی سیلیزی
گەرمیان : ٣٦ پلەی سیلیزی