بەڕێوەبەرایەتی ئاسایشی راپەرین دەستگیرکردنی سێ بازرگانی ماددەی هۆشبەر رادەگەیەنێت، و دەشڵێت"دەست بەسەر ١٢ کیلۆگرام مادەی هۆشبەر لە جۆری کریستاڵ دا گیراوە".
بەڕێوەبەرایەتی ئاسایشی ڕاپەرین رایگەیاند کە لەدووچالاکیدا، (٣) بازرگانی ماددەی هۆشبەر دەستگیر کردوە و دەستی بەسەر بڕی ( ١٢ ) کیلۆ گرام کریستاڵ دا گرتووە.
ئاسایشی راپەرین روونیشی دەکاتەوە" لە ڕۆژانی ٧ و ٨ ی ئایاری ٢٠٢٥ دوای کۆکردنەوەی زانیاری و بەدواداچوونی وورد، لەسەر فەرمانی دادوەری لێکۆڵینەوەی ئاسایش، توانیان ڕێگری لەگواستنەوەی بڕی( ١٢ ) کیلۆگرام ماددەی هۆشبەر لەجۆری کریستاڵ بکەن کە بازرگانان بەنیازبوون ماددە هۆشبەرەکە بگوازنەوە بۆ شارەکانی هەرێم".
ئاسایشی راپەرین ئاماژەی بۆ ئەوەش کردوە"لەئێستادا تۆمەتباران بەبڕیاری دادوەر بەماددەی ٢٦ لەیاسای بەرەنگاربوونەوەی ماددە هۆشبەرەکان و کارتێکارە ئەقڵییەکان ڕاگیراون و لێکۆڵینەوە لەدۆسیەکانیان بەردەوامە."