قوباد تاڵەبانی ڕایدەگەیەنێت" رێككەوتووین بۆ هەڵبژاردنی پەرلەمانی عێراق هەریەكە و بە لیستی خۆی بەشدار بێت".
قوباد تاڵەبانی، ئەمڕۆ یەكشەممە لە كۆنگرەیەكی ڕۆژنامەوانیدا ڕایگەیاند" لەگەڵ كاك هۆشیار زێباری باسی ئەوەمان كردووە لەم هەفتەیە كۆبونەوەی پارتی و یەكێتی ئەنجام بدەین، تاوەكو نزیكتر بكەونەوە لە پێكهێنانی كابینەی دەیەمی حكومەتی هەرێمی كوردستان".
وتیشی" پرۆژەی ڕووناکی کارەبای ٢٤ کاتژمێری دابیندەکات و هاوڵاتییان سوودمەند دەبن، ئەو رەخنانەشی دەگیرێت بۆئەوەیە کە هاوڵاتی تەنها ئەو پارەیە ئەژمار دەکات کە دەیدات بە حکومەت".
ئاماژەی بەوەشکرد، هەوڵەکان بۆ ئەوەن چینی کەم دەرامەت بەتەواوی سوودمەندبێت و لە بەرژەوەندی ئەوان دەبێت.
لەبارەی هەڵبژاردنی داهاتووی ئەنجوومەنی نوێنەرانی عێراق تاڵەبانی وتی" رێككەوتووین بۆ هەڵبژاردنی پەرلەمانی عێراق یەك لیستمان نەبێت و هەریەكە و بە لیستی خۆی بەشدار بێت، تەنانەت لە كەركوكیش".
لەم لینکەوە ڤیدیۆی کۆنگرە ڕۆژنامەوانییەکە ببینە