وەزارەتی
بەرگریی تورکیا ڕایگەیاند: هەسەدە هەڕەشە
لەسەر یەکپارچەیی سووریا و ئاسایشی نیشتمانیی تورکیا دروست دەکات ئەگەر پێویست
بکات تورکیا هەموو پاڵپشتییەکی ئەحمەد شەرع دەکات.
ئەمڕۆ پێنجشەممە وەزارەتی بەرگریی تورکیا لە راگەیەنراوێکدا باس
لەوەدەکات کە چاودێری هێزەکانی سووریای دیموکرات(هەسەدە) و هەنگاوەکانی جێبەجێکردنی
ڕێککەوتنەکانی لەگەڵ حکومەتی سوریا دەکات.
لە
راگەیەنراوەکەدا جەخت لەسەر " پابەندبوونی هێزەکانی سوریای دیموکرات کردەوه
به پڕۆسەی تێکەڵبوون به سوپای سوریا و خۆبواردن له هەرکردارێک یان قسه و باسێک که یەکگرتوویی
سیاسی و یەکپارچەیی خاکی سوریا تێکبدات".
وەزارەتەکە
دووپاتی کردەوە کە "ئەنقەرە بەردەوام دەبێت لە چاودێریکردنی ئەم پرۆسەیە و ئەگەر
پێویست بکات هەموو پاڵپشتییەکی پێویست پێشکەش بە سوریا دەکات بۆ ئەوەی بەشداری لە
ئاسایش و سەقامگیری سوریادا بکات".
راگەیەنراوەکەی
وەزارەتی بەرگریی تورکیا لە کاتێکدایە کە رۆژی ٢ی ئەیلول دەوڵەت باخچەلی، سەرۆكی
پارتی بزوتنەوەی نەتەوەیی توركیا (مەهەپە) هەڕەشەی ئەوەی ئەگەر رێكەوتنی هەسەدە و
ئەحمەد شەرع وەك خۆی جێبەجێ نەكرێت، توركیا دەستوەرانی سەربازیی دەكات.