سەرپەرشتیاری بایۆمەتریی سلێمانی ئاشکرایدەکات کە لیستی
مووچەی مانگەکانی تەمموز و ئاب لە بەغدا پەسەند کراوە و ئامادەیە بۆ خەرجکردن.
لەمبارەوە یادگار جەبار، سەرپەرشتیاری بایۆمەتریی سلێمانی
رایگەیاند: هاوکات خەریکی ئامادەکردنی لیستی مووچەی مانگی ئەیلولن، کە چاوەڕوان دەکرێت
لە ماوەی هەفتەیەکدا تەواو بکرێت. ئەم هەواڵە لە کاتێکدایە کە هەولێر و بەغداد لەسەر
دۆسیەی نەوت گەیشتوونەتە رێککەوتن.
ناوبراو وتیشێ کە پەسەندکردنی یستی مووچەی مانگەکانی تەمموز
و ئاب بەو مانایە کە مووچەی ئەم دوو مانگە ئامادەیە بۆ خەرجکردن و چاوەڕوان دەکرێت
بە زوترین کات دابەش بکرێت. لە کاتێکدا دابەشکردنی مووچەی مانگی حوزەیرانی فەرمانبەران
و مووچەخۆرانی هەرێمی کوردستان رۆژی سێشەممە دووی ئەیلول ئەنجامدرابوو.
هاوکات ئاشکرای کرد کە ماوەی سێ رۆژە خەریکی ئامادەکردنی لیستی
مووچەی مانگی ئەیلولن. چاوەڕوان دەکرێت ئەم لیستە لە ماوەی هەفتەیەکدا تەواو بکرێت
و پاش ئامادەکردنیشی رەوانەی وەزارەتی دارایی هەرێمی کوردستان دەکرێت. دوای وردبینی
و بە سیستەمی پەیڕۆڵ لیستەکە رەوانەی بەغداد دەکرێت بۆ پەسەندکردن و خەرجکردن.