بەڕێوەبەرایەتی هاتووچۆی سلێمانی ئاگاداری سەرجەم شۆفێران و هاوڵاتییانی شاری سلێمانی دەکات کە بەهۆی بەفروبەستەڵەکەوە چەند رێگایەک دادەخات.
ئێوارەی هەینی ٢٣ ی کانوونی دووەم بەڕێوەبەرایەتی هاتوچۆی سلێمانی هاوڵاتیان و شۆفێران ئاگادار دەکاتەوە کەئەم ڕێگایانەی خوارەوە بەربەستکراوە بەهۆی هەبوونی بەفری زۆر و بەستنی ڕێگاکە:
- چاڤی لاند ـ گۆیژە
-دۆڵەمیران ـ هەڕووتە ـ شاخی گۆیژە لە فلکەی ئەحمەد گرێدەرەوە
- ڕێگای تونێلی پێشڕەو لە ئێستادا کراوەیە و گرفتی تیا نییە، بەڵام رەنگە لە چەند کاتژمێری داهاتوو گرفت دروست ببێت و بەربەست بکرێت.
بەڕێوەبەرایەتی هاتوچۆی سلێمانی داوا لە هاوڵاتییان و شۆفێران دەکات بۆ کاری زۆر پێویست نەبێت سەردانی ئەو ڕێگایانە نەکەن کە ئاماژەمان پێکرد و تیمەکانی هاتووچۆ لە ئێستادا سەرقاڵی نەهێشتنی ئەو قەرەباڵغییەن کە لەو ڕێگایەدا هەیە.