حكومه‌تی هه‌رێمی كوردستان رۆژی یه‌كشه‌ممه‌ی داهاتووی كرده‌ پشوو، به‌ڵام ئه‌م بڕیاره‌ وه‌زاره‌ته‌كانی په‌روه‌رده‌ و خوێندنی باڵا ناگرێته‌وه‌.

سه‌فین دزه‌یی گوته‌بێژی فه‌رمی حكومه‌تی هه‌رێمی كوردستان، به‌ماڵپه‌ڕی فه‌رمی حكومه‌تی هه‌رێمی كوردستانی راگه‌یاند: به‌وپێیه‌ی رۆژی له‌دایكبوونی پێغه‌مبه‌ر موحه‌مه‌د(د.خ) ده‌كه‌وێته‌ رۆژی شه‌ممه‌ 3-1-2015 كه‌ له‌خۆیدا پشووه‌، بڕیاردرا رۆژی یه‌كشه‌ممه‌ 2015/1/4 له‌سه‌رجه‌م داموده‌زگاكانی حكومه‌تی هه‌رێمی كوردستان ببێته‌ پشووی فه‌رمی.

سه‌فین دزه‌یی ئاشكراشیكردوه‌ كه‌ پشووه‌كه‌ وه‌زاره‌ته‌كاتی په‌روه‌رده‌و خوێندنی باڵا ناگرێته‌وه‌، چونكه‌ ئه‌وان به‌رنامه‌ وخشته‌ی خۆیان بۆ پشوه‌كانیان دیاریكردووه‌.