وەزیری پەروەردە رایگەیاند، تاقیکردنەوەکانی پۆلی ١٢ـی ئامادەیی لە وادەی خۆیان ئەنجام دەدرێن و لە هەفتەیەکدا دوو تاقیکردنەوە ئەنجام دەدرێت، پرۆگرامەکانی خوێندنیش کەمکراوەتەوە.

ئەمڕۆ چوارشەممە ٢٢ـی نیسانی ٢٠٢٦، ئالان حەمە سەعید، وەزیری پەروەردەی حکومەتی هەرێم رایگەیاند؛ لە پێناو کەمکردنەوەی فشاری دەروونیی خوێندکاران و خۆ ئامادەکردنیان بۆ تاقیکردنەوەکان، لە هەفتەیەکدا تەنها دوو تاقیکردنەوە ئەنجامدەدرێت، هەروەها لە خولی دووەمیشدا تاقیکردنەوەکان رۆژە نا رۆژێک ئەنجامدەدرێن.

وتیشی: خوێندکارانی پۆلی ١٢ـی ئامادەیی ٤٠ رۆژیان لەبەردەستە بۆ خۆئامادەکردن بۆ تاقیکردنەوەکان و تاقیکردنەوەکان بە تەواوەتی شەفاش و روونە، خوێندکاران دەتوانن بە ئەنجامەکانی خۆیان بە نمرە و وەڵامی پرسیارەکانەوە ببینن و هەروەها دەتوانن بزانن لەکوێدا هەڵەیان کردووە.