جێگری سەرۆکی فراکسیۆنی پارتی یەکسانی و دیموکراسیی گەلان (دەم پارتی) سەزای تەمەلی ڕایگەیاند یەکشەممە ٢٤ـی ئایار، شاندی ئیمراڵی دەچنە دوورگەی ئیمراڵی و دیدار لەگەڵ عەبدوڵا ئۆجەلان، سەرۆکی زیندانیکراوی پەکەکە ئەنجام دەدەن.

تەمەلی بەشداریی لە بەرنامەیەکی ئیلکە تیڤی کرد، لەو بەرنامەیەدا دووپاتی کردەوە، شاندەکە لە پەروین بوڵدان و مەدحەت سەنجەر و فایەق ئۆزگور ئەرۆڵ پێکدێت و ٢٤ـی ئایار، دیدار لەگەڵ ئۆجەلاندا ئەنجام دەدەن.

دوایین جار، شاندەکە لە ٢٧ـی ئادار دیداریان لەگەڵ عەبدوڵا ئۆجەلان ئەنجامداوە.

ئەوە لە کاتێکدایە کە پرۆسەی ئاشتی دووچاری راوەستان بۆتەوەو، تا ئێستا پەرلەمان و هەردوو حزبی دەسەڵاتدار ئاک پارتی و مەهەپە ئامادەنین یاسا بۆ پرۆسەی ئاشتی دەربکەن و، سەرۆکی زیندانیکراوی پەکەکە عەبدوڵا ئۆجەلان رزگار بکەن.