لیژنەیەکی تایبەت بۆ جێبەجێکردنی دەستپێشخەرییەکەی مەسعود بارزانی پێکهێنراوەو ئەندامانی شاندەکە پێکهاتوون لە: ​هۆشیار زێباری، ئەندامی مەکتەبی سیاسی، ​پشتیوان سادق، ئەندامی مەکتەبی سیاسی و بەرپرسی مەکتەبی رێکخستنی پارتی لە هەولێر، ​مەحمود محەمەد، ئەندامی مەکتەبی سیاسی و وتەبێژی پارتی.

شاندی پارتی دیموکراتی کوردستان ئامادەکارییەکانی تەواو کردووە و چاوەڕوان دەکرێت لەم هەفتەیەدا کۆبوونەوەکانی لەگەڵ لایەنە سیاسییەکانی هەرێمی کوردستاندا دەستپێبکات.

​سەبارەت بە کاتی دەستپێکردنی گەڕی گفتوگۆکان، سەرچاوەیەکی ئاگادار بە میدیای پارتی راگەیاندوە کە زۆرینەی لایەنە سیاسییەکان و پێکهاتەکان پێشوازییان لە دەستپێشخەرییەکە کردووە و ئامادەیی خۆیان بۆ کۆبوونەوە دەربڕیوە. لە ئێستا تەنیا چەند لایەنێکی کەم ماون کە وەڵامی کۆتاییان نەداوەتەوە؛ پارتیش چاوەڕێی وەڵامی ئەوانیش دەکات، چونکە دەیەوێت سەرجەم لایەنەکان لەم پرۆسەیەدا بەشدار بن.