وەزارەتی کارەبای هەرێمی کوردستان دەڵێت" کەرتی کارەبا گۆڕانکارییەکی گەورەی بەخۆوە بینیوە، بە جۆرێک هەزار و ٩٧٤مێگاوات کارەبای نوێ بەرهەم هێنراوە.
بەپێی راپۆرتی وەزارەتی کارەبا، لە ماوەی ئەم کابینەیەدا چەندین وێستگەی نوێی بەرهەمهێنان خراونەتە لەوانە:
- وێستگەی بازیان٧٥٠ مێگاوات
- وێستگەی خۆرماڵە٥٠٠ مێگاوات
- وێستگەی هەڵمی خەبات٣٠٠ مێگاوات
- وێستگەی گەرمیان١٦٥ مێگاوات
- وێستگەی دێرەلووک ٣٨مێگاوات
- وێستگەکانی هەولێر، سلێمانی و دهۆک ٨٧مێگاوات
- بەرهەمهێنانی ١٣٤ مێگاوات لە رێگەی وزەی خۆرەوە لە سەرانسەری هەرێمی کوردستان.
هەرچی کەرتی دابەشکردنی کارەبایە، ٣ هەزار و٨٨٠ پڕۆژە بە گوژمەی زیاتر لە٢٥٩ ملیار دینار جێبەجێ کراون، کە زۆرترین رێژەی پڕۆژەکان لە سنووری سلێمانی، هەڵەبجە، گەرمیان و راپەڕین بووە بە ٢ هەزار و ٢٢٤ پڕۆژە.
بە گوێرەی راپۆرتی وەزارەتی کارەبا، گەیاندنی کارەبا بووە بۆ ٥٧٥هەزار هاوبەشی نوێ، ئێستا ٨٥٪ـی هاوبەشانی کارەبا (کە کۆی گشتییان یەک ملیۆن و ٩٧٥ هەزار هاوبەشە) کارەبای بەردەوامیان بۆ دابین کراوە.
حکومەت لە رێگەی رێکخستنەوەی تۆڕەکانەوە توانیویەتی ٦ هەزار مۆلیدەی تایبەت لەناو گەڕەکەکان بکوژێنێتەوە و زیاتر لە ٦٢ هەزار سەرپێچی سەر تۆڕی نیشتمانیش لابدات.
لە راپۆرتی وەزارەتی کارەبادا هاتووە کە لە رێگەی هەموارکردنەوەی گرێبەستەکانی بەرهەمهێنانی کارەبا، توانراوە رێگری لە بەفیڕۆچوونی سامانێکی زۆر بگیرێ و ساڵانە زیاتر لە ٣٠٠ ملیۆن دۆلار بۆ گەنجینەی حکومەتی هەرێمی کوردستان بگەڕێنرێتەوە.