بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، ڕەوشی کەشوهەوای ٤٨ کاتژمێری داهاتووی بڵاوکردەوە و بەپێی پێشبینییەکان، شەپۆلێکی گەرما ناوچە جیاجیاکانی هەرێم دەگرێتەوە.

کەشوهەوای ئەمڕۆ شەممە ١٨ی تەموز، ئاسمانی سەرجەم ناوچەکان ساماڵ دەبێت. ئاراستەی با بەرەو باکووری ڕۆژئاوا دەبێت و خێراییەکەی لەسەرخۆ (نێوان ٥ بۆ ١٠ کم/ک) دەبێت، مەودای بینینیش لەنێوان ٩ بۆ ١٠ کیلۆمەتردایە. پلەکانی گەرما بەراورد بە دوێنێ کەمێک بەرزتر دەبنەوە.

بەرزترین پلەکانی گەرمای پێشبینیکراوی ئەمڕۆ:

هەولێر، هەڵەبجە، چەمچەماڵ، زاخۆ: ٤٣ پلەی سیلیزی

سلێمانی، دهۆک، ئاکرێ، سۆران: ٤٢ پلەی سیلیزی

گەرمیان: ٤٥ پلەی سیلیزی

پیرمام: ٣٨ پلەی سیلیزی

حاجی ئۆمەران: ٣٥ پلەی سیلیزی

بۆ سبەی یەکشەممە، ئاسمان بە ساماڵی دەمێنێتەوە. خێرایی با لە نێوان لەسەرخۆ بۆ مامناوەند (٥ بۆ ١٥ کم/ک) دەبێت و ئاراستەکەش هەر بە شێوەی باکووری ڕۆژئاوا دەبێت. مەودای بینین وەک خۆی (٩ بۆ ١٠ کم) دەمێنێتەوە، بەڵام پلەکانی گەرما لە هەندێک ناوچەدا زیاتر هەڵدەکشێن.

بەرزترین پلەکانی گەرمای پێشبینیکراوی سبەی:

گەرمیان: ٤٦ پلەی سیلیزی

هەولێر، هەڵەبجە، چەمچەماڵ، زاخۆ: ٤٣ پلەی سیلیزی

سلێمانی، دهۆک، ئاکرێ، سۆران: ٤٢ پلەی سیلیزی

پیرمام: ٣٩ پلەی سیلیزی

حاجی ئۆمەران: ٣٦ پلەی سیلیزی