ئەمڕۆ لە سنووری گەرمیان لە پارێزگای سلێمانی بوومەلەرزەیەک روویدا شارەزایەکی بوومەلەرزەزانیش دەڵێت نزیکیی بوومەلەرزەکە لە قووڵایی زەوی هۆکاری هەستپێکردنەکەی بووە.

سیروان ساڵح، شارەزای کەشناسی و بومەلەرزەزانی، رایگەیاند "بوومەلەرزەکە کاتژمیر ١٠:٤٠ بە گوڕی ٣،٧ پلەی رێختەر و لە قووڵایی حەوت کیلۆمەتری زەویدا روویداوە".

بە پێی زانیارییەکان چەقی بوومەلەرزەکە گوندی تەپە سپی بووە لەنێوان قەزای کفری و ناحیەی قادر کەرم؛ ئاماژەی بەوەشکرد: "قووڵایی بوومەلەرزەکە حەوت کیلۆمەتر بووە؛ بۆیە هەستی پێکراوە. تاوەکو قووڵایی کەمتر بێ، زیاتر هەستی پێدەکرێ".