بەڕێوەبەری بەڕێوەبەرایەتییەکانی چاودێریی بازرگانی بە میدیاکانیان ڕاگەیاند'' لە شەش مانگی ڕابردوودا دەستەی تیمەکانیان لە پارێزگاکانی هەرێم سەردانی زیاتر لە ١٤ هەزار شوێنی بازرگانییان کردووە و لە ئەنجامدا هەزاران سەرپێچیکار سزادراون و ڕەوانەی دادگە کراون.''
لە هەولێر تیمەکان سەردانی ٦ هەزار و ٦٥٨ شوێنیان کردووە و لە ئەنجامدا ٥٤٦ سەرپێچیکار سزادراون و ٤١ شوێن داخراون و دەست بەسەر ١٢٧ تۆن کاڵای بەسەرچوودا گیراوە، هاوکات بڕی زیاتر لە ٩١ ملیۆن دینار وەک سزای دارایی لە سەرپێچیکاران وەرگیراوە.
ئاماژەی بەوەشکرد، لە سلێمانی لە ئەنجامی ٢٩ هەزار و ٢٥٠ سەرداندا ٢ هەزار و ٥٤٤ سەرپێچی تۆمارکراون و ١٤٧ شوێن داخراون، هاوکات دەست بەسەر زیاتر لە ٢٥٣ هەزار دانە کاڵای ماوەبەسەرچوودا گیراوە و تەواویان لەناو براون.
هاوکات، لە دهۆک و هەڵەبجە پشکنین بۆ هەزاران شوێن کار کراوە، لە دهۆک دەست بەسەر ٧٠٠ تۆن کاڵای خراپدا گیراوە و ٢٥٠ شوێن سزادراون، لە هەڵەبجەش ١٥ شوێنکار داخراون و ١٣٣ شوێن سزای دارایی دراون و سەدان شوێنی دیکەش ئاگادارکراونەتەوە.