ژمارەیەك لە خانەنشینانی سوپای فەرەنسا چوونەتە نێو داعش
سەربازی فەرەنسی
وەزارەتی بەرگریی فەرەنسا ئەمرۆ پێنجشەممە نیگەرانی خۆی لە پەرەسەندنی دیاردەی توندوتیژیی لەنێو سوپای وڵاتەكەی راگەیاند بەوەی كە ژمارەیەك لە خانەنشینانی سوپای فەرەنسا چوونەتە نێو چەكدارانی داعشەوە.
وەزارەتی بەرگریی فەرەنسا لە بەیاننامەیەكدا رایگەیاند كە 10 كەس لە خانەنشینانی سوپاكەی بۆ پەیوەست بوون بە داعش بەرەو سوریاو عێراق رۆیشتوون.
بەپێی رۆژنامەیەكی فەرەنسی لەئێستادا یەكێك لەو ئەفسەرە خانەنشینانەی فەرەنسا فەرماندەی هیزێكی چەكداری داعشە لەناوچەی دەیرئەلزوری سوریا.
پێشتر وەزیری ناوخۆی فەرەنسا رایگەیاندبوو كە لەماوەی 2 ساڵی رابردوودا نزیكەی هەزار كەس لە فەرەنساوە چوونەتە ناو چەكدارانی داعشەوە.
PM:03:52:22/01/2015