وەزیری كارو كاروباری كۆمەڵایەتی حكومەتی هەرێمی كوردستان سەردانی باڵەخانەی نوێی چاكسازی گەوران لەهەولێری كرد‌و دوایین ئاماری گیراوانی چاكسازی گەورانی ئەوشارەش ئاشكرا دەكات.

ئەمرۆ سێ شەممە 10/2/2015 وەزیری كارو كاروباری كۆمەڵایەتی باڵەخانەی نوێی چاكسازی گەورانی شاری هەولێری بەسەركردەوەو لەنزیكەوە چاودێری تەواوكردنی كارەكان و بەدواداچوونی بۆ كێشەو گرفتەكان كرد .

محمد هاودیانی, وەزیری كارو كاروباری كۆمەڵایەتی و ئەحمەد نەجمەدین, بەرێوبەری گشتی چاكسازی و دێدەوان ئەحمەد, بەرێوبەری چاكسازی گەورانی هەولێر سەردانی باڵەخانەی نوێی چاكسازی گەورانی هەولێریان كرد كە دەكەوێتە ناحیەی كەسنەزان .
لەو بەسەركردنەوەیەدا وەزیری كارو كاروباری كۆمەڵایەتی چاودێری تەواوی بەرێوەچوونی كارەكانی كردو لەو كێشەو گرفتانەی پرسیەوە كە هاتونەتە پێشەوەو بونەتە هۆكاری دواكەوتنی كردنەوەی چاكسازیەكە .

جێی باسە لەماوەیەكی نزیكدا سەرجەم سزادراوانی چاكسازی گەورانی هەولێر كە لە ئێستادا بە (محەتە)ناسراوە دەگوزارێنەوە بۆ باڵەخانە نوێیەكەی چاكسازی و لە ئێستاداو بەپێی دوایین ئاماری ئەمرۆ سێ شەممە 10/2/2015 تەنها 723 سزادراو هەیە .
تی دیموكراتی كوردستان و شاندێكی یاوەری .

لە كۆبونەوەیەكدا عەلی حسێن, بەرپرسی لقی دووی هەولێری پارتی دیموكراتی كوردستان هیوای سەركەوتن و بەرەوپێشچوونی بۆ پرۆژەو كارەكانی وەزارەتی كارو كاروباری كۆمەڵایەتی خوسات و ئامادەیی خۆشیانی راگەیاند بۆ هەموو هاوكاریەك .
لای خۆشیەوە محمد هاودیانی, وەزیری كارو كاروباری كۆمەڵایەتی رایگەیاند: حكومەتی هەرێمی كوردستان كە حكومەتێكی بنكە فراوانە ئامانجی بەشداریكردنمان تێیدا, سەركەوتنی پرۆسەی سیاسی و خزمەتكردنی هاوڵاتیانەو ئێمە بە روحیەتێكی حكومەتەوە كاردەكەین نەك حزبیانە, پێویستە حزبەكان بەیەك چاو سەیری حكومەت بكەن و جیاوازی لەنێوان وەزارەتەكان نەكەن .

لەتەوەرەیەكیتری كۆبونەوەكە باس لە ئەو كێشەو گرفتانە كرا كە روبەرووی هەرێمی كوردستان بۆتەوەو لەسەر روبەرووبونەوەی هێزەكانی پێشمەرگەی كوردستان بەرامبەر بە رێكخراوی تیرۆرستی داعش جەخت لە یەكریزی و یەكدەنگی سەرجەم لایەنەكان كرایەوە, وەزیری كارو كاروباری كۆمەڵایەتیش ئاشكرای كرد كە قەیرانی دارایی كێشەی بۆ پرۆژەی وەزارەت درووست كردووەو بەشێكیشی پەك خستووە .