لەكۆبوونەوەی ئەمرۆی ئەنجومەنی دیاریكردنی بەرژەوەندییەكانی كۆماری ئیسلامی ئێران باس لە پلانی ئەمەریكا بۆ دابەشكردنی عێراق‌و سوریا كرا.

موحسین رەزایی، سەرۆكی ئەنجومەنی دیاریكردنی بەرژەوەندییەكانی كۆماری ئیسلامی بە میدیاكانی ئێرانی رایگەیاند: لەكۆبوونەوەی ئەم ئەمرۆی ئەنجومەنەكەدا باس لەوە كراوە كە ئەمەریكا‌و سعودیە دابەشكردنی سوریا‌و عێراقیان خستوتە ئەجێندای كاری خۆیانەوە

بەوتەی رەزایی كە پێشتر فەرماندەی پێشووی سوپای پاسداران بووە: پلانی ئەوە هەیە كە سوریا بە دوو بەش‌و عێراقیش بە سێ بەش دابەش بكرێت‌و یەمەنیش بە دوو بەشی باكور‌و باشور دابەش بكرێت.

رەزایی دەڵێت: حكومەتی ئێستای سعودیە ئەركی دابەشكردنی سوریا‌و یەمەنی بە ئەستۆ گرتووە‌و ئەمریكاش بە بێ توركیا‌و سعودیە، دابەشكردنی عێراق بەئەستۆ گرتووە.