كه‌مێك پێش ئێستا وه‌فدی یه‌كێتی نیشتمانی كوردستان گه‌یشته‌ باره‌گای كۆمه‌ڵی ئیسلامی له‌هه‌ولێرو له‌گه‌ڵ وەفدی ئەو حیزبە بەسەرپەرشتی عەلی باپیر ئەمیری كۆمەڵی ئیسلامی كۆبوونەوە.

له‌درێژه‌ی زنجیره‌ كۆبونه‌وه‌كانی یه‌كێتی له‌سه‌ر پرسی ده‌ستور ویلایه‌تی سه‌رۆكایه‌تی هه‌رێم بۆ لای لایه‌نه‌ سیاسیه‌كان، سه‌رله‌به‌یانی ئه‌مڕۆ سه‌ردانی مه‌كته‌بی سیاسی یه‌كگرتووی كردو كه‌مێك پێش ئێستاش وه‌فده‌كه‌ گه‌یشتنه‌ باره‌گای مه‌كته‌بی سیاسی كۆمه‌ڵی ئیسلامی.

وابڕیارە له‌كۆبونه‌وه‌كه‌دا یه‌كێتی پرۆژه‌ی خۆی بۆ لایه‌نه‌كان له‌سه‌ر پرسی ده‌ستورو ویلایه‌تی سه‌رۆكی هه‌رێمی كوردستان بخاته‌ڕوو، بۆچونی لایه‌نه‌كانیش له‌سه‌ر كۆی پرسه‌كانی هه‌رێم وه‌رده‌گرێت.