ئەندامێکی پەرلەمانی کوردستان ڕایگەیاند، پێنج فراکسیۆنی پەرلەمان ئیمزایان لەسەر بەیاننامەی ئیدانەکردنی ڕێگریکردن لە سەرۆکی پەرلەمان کردووە بۆ چوونە ناو شاری هەولێر.

سۆران عومەر ئەندامی پەرلەمانی کوردستان بە NRT ڕاگەیاند: لەدوای ڕێگریکردن لە سەرۆکی پەرلەمان لە بازگەی پردێ، هەر پێنج فراکسیۆنەکە (یەکێتی، گۆران، کۆمەڵ، یەکگرتوو، بزوتنەوەی ئیسلامی) کۆبووینەوە و بەیاننامەیەکمان واژۆ کرد بۆ ئیدانەکردنی ئەوە ڕووداوە.

هەروەها وتیشی "لە بەیاننامەکەدا ئیدانەی ڕێگریکردن لە سەرۆکی پەرلەمانمان کردووە و باسمان لە خۆپیشاندانەکانی ئێستای هەرێم کردووە".

سەبارەت بە کۆوبونەوەی لایەنە سیاسییەکان سۆران عومەر وتی "ئێمە وەک ئەندام پەرلەمانان ئاگاداری هیچ کۆبوونەوەیەک نین و نازانین ئاخۆ لایەنە سیاسییەکان لە ئەمڕۆدا کۆدەبنەوە یاخود نا".