بەهۆی تەقینەوەیەك لەقەزای شەنگال 5 پێشمەرگە شەهید بوون‌و ژمارەیەكی دیكەش برینداربوون.

لەمبارەیەوە حەیدەر شەشۆ فەرماندەی ھێزەکانی پاراستنی شنگال، بەتۆڕی هەواڵی سلێمانی ڕاگەیاند: ئێوارەی ئەمڕۆ ٢ی کانوونی یەکەمی ٢٠١٥، لەگوندی (جدال)ی رۆژئاوای شنگال، لەئەنجامی گەڕان و پشکنینی ژمارەیەک پێشمەرگە، خانوویەک بەھۆی بوونی بۆمبی چێندراو تێیدا تەقیەوە.

وتیشی:"لەئەنجامی تەقینەوەکەدا پێنج پێشمەرگە شەھیدبوون و دوو پێشمەرگەی تریش برینداربوون".

ئاماژەی بەوەشدا کە ھۆکاری سەرەکی تەقینەوە بۆ بوونی ژمارەیەکی زۆر لەبۆمبی چێندراو  لەناو قەزای شنگال دەگەڕێتەوە.