سبەی لیژنەی کۆبوونەوەی کاراکردنی پەرلەمان سەردانی مەکۆی گشتی بزووتنەوەی گۆڕان لە سلێمانی دەکات، سپی ناوی لیژنەی کاراکردنی پەرلەمان بڵاودەکاتەوە.
وا بڕیارە سبەی ٢/٣ لیژنەی کاراکردنەوەی پەرلەمان سەردانی بزووتنەوەی گۆڕان بکات، بەپێی زانیارییەکانی سپی د. فواد حسێن سەرۆکایەتی وەفدەکە دەکات و وەک نوێنەری سەرۆکایەتی هەرێمیش لە وەفدەکەدایە.
بەپێی زانیارییەکانی سپی نوێنەری پارتی دیموکراتی کوردستانیش لەلیژنەکەدا پێکدێت لە د. رۆژ نوری شاوەیس و مەحمود محەمەد ئەندامانی مەکتەبی سیاسی پارتی.
نوێنەری یەکێتیش پێکدێت لە مەلا بەختیار بەرپرسی دەستەی کارگێڕی و سەعدی پیرە ئەندامی مەکتەبی سیاسی.
نوێنەری یەکگرتووی ئیسلامیش پێکدێت لە د. عومەر محەمەد ئەندامی مەکتەبی سیاسی و د. محەمەد ئەحمەد.
هەریەک لە نێچیرڤان بارزانی جێگری سەرۆکی پارتی و محەمەد فەرەج ئەمینداری یەکگرتوو بەشداری ناکەن.