یەكگرتوو داوای كۆتاییهێنان بە پەكخستنی پەرلەمانی كوردستان دەكات
یەكگرتوی ئیسلامی كوردستان بە چەند بڕیار و رو راسپاردەیەك كۆتایی بەكۆنگرەی حەوتەمی خۆی هێنا و داواشی كرد كۆتایی بە پەكخستنی ەرلەمان بهێنرێت و سیستەمی پەرلەمانی لە هەرێم بچەسپێنرێت.
لوقمان باسكەدێری، وتەبێژی كۆنگرەی یەكگرتووی ئیسلامی كوردستان لەكۆنگرەیەكی رۆژنامەوانیدا رایگەیاند، لەكۆنگرە بڕیاردراوە یەكگرتوو بەردەوام بێت لە رێبازی هەمیشەیی میانرەوی و پابەند بوون بەپرۆژەی چاكسازی ریشەیی و لەسەرجەم دامەزراوەكانی هەرێمدا جەختی لێ كراوەتەوە.
لە كۆنگرەی یەكگرتوودا هەروەها جەخت لە سازانی نیشتیمانی و كۆتایی هێنان بەپەكخستنی دامەزراوە شەرعیەكانی كوردستان بەتایبەت پەرلەمانی كوردستان كراوەتەوە هەر وەك پێداگری كراوە لەپەیوەندی دۆستانەی یەكگرتوە لەگەڵ سەرجەم لایەنەكانی تری باشور و پارچەكانی تری كوردستان.
كۆنگرەی یەكگرتوو تەئكیدی كردەوە لەسەر پابەند بون بەسیستەمی پەرلەمانی و ئامادەكردنی رەشنوسی دەستوری كوردستان و چارەسەركردنی كێشەكانی هەولێرو ناوەند بە گفتوگۆ.
PM:03:42:29/05/2016