ماڵپەڕی دواڕۆژ بڵاویکردەوە سەرەتای هەفتەی داهاتوو موچەی بەشێكی تر لە وەزارەتەكان و
دامودەزگاكان دابەشدەكرێت، بەتایبەت ئەو شوێنانەی كە میلاكیان كەمە.
ماڵپەڕەکە لە زاری سەرچاوەیەکی وەزارەتی داراییەوە
بڵاویکردووەتەوە "دابەشكردنی موچەی مانگی ئابی فەرمانبەران و مامۆستایان
بەردەوام دەبێت و لە سەرەتای هەفتەی داهاتوو لیستێكی تری موچەی مانگی ئابی بەشێكی
تر لە وەزارەت و دەستەو دامەزراوەكان رادەگەێنرێت".
هەر لە هەواڵەکەی ئەو ماڵپەڕەدا هاتووە "بەهۆی
زۆری موچەی وەزارەتی پەروەردە، ئاگادارنیم موچەكانیان دابەشدەكرێت یان نا، بەڵام
بەدڵنیایەوە لیستێكی نوێ رادەگەیەندرێت و موچەی ئەو وەزارەتانە دابەشدەكرێت كە
میلاكیان كەمە".
سەبارەت بە هۆکاری دابەشنەکردنی مووچە و
دواکەوتنی ئەو سەرچاوەیە بەو ماڵپەڕەی ڕاگەیاندووە "دانەوەی قەرزی كۆمپانیا
نەوتییەكان و ئەو كۆمپانیانەی كە پێشتر حكومەتی هەرێمی قەرزی لێكردوون، هەروەها
هێنانەوەو گۆڕینەوەی پارەی فرۆشراوی نەوتی كوردستان، كە زیاتر لە (45) رۆژی
پێدەچێت، بوونەتە هۆكاری دواكەوتنی موچەی فەرمانبەران و مامۆستایان".
پێشتریش سپی بڵاویکردوەیەکشەممەی داهاتوو وەزارەتی دارایی
خشتەیەکی مووچە بڵاودەکاتەوە و بە دڵنیایەوە مووچەی ئەنجومەنی ئاسایشی هەرێم و
وەزارەتی ناوخۆ و تەندروستی و خوێندنی باڵا دابەشدەکرێت و گەر بتوانین مووچەی
خانەنشینی مەدەنی و خانەنشینی سەربازیش دابەش دەکەین.