میدیای فەرمی گۆڕان بڵاویکردەوە حكومه‌تی‌ هه‌رێم تا كۆتایی‌ ئه‌مساڵ، یه‌ك چاره‌كه‌ مووچه‌ ده‌دات به‌ فه‌رمانبه‌ران و مووچه‌ی‌ مانگه‌كانی‌ 10 و 11و 12 هاوشێوه‌ی‌ ساڵی‌ پار پاشه‌كه‌وت ده‌كات، ساڵی‌ داهاتووش تا مانگی‌ شوبات، مووچه‌ نادات.

بە گوێرەی هەواڵێکی تۆڕی میدیایی گۆڕان " لیژنه‌ی رووبه‌رووبونه‌وه‌ی قه‌یرانه‌كانی هه‌رێمی كوردستان له‌ راپۆرته‌ نهێنیه‌كه‌یدا كه‌ بۆ سه‌رۆكایه‌تی ئه‌نجومه‌نی وه‌زیرانی به‌رزكردۆته‌وه‌ داوای داخستنی ژماره‌یه‌ك وه‌زاره‌ت و فه‌رمانگه‌ی كردبوو به‌هۆی‌ خه‌رجی‌ زیاده‌و ناپێویست له‌سه‌ر شانی حكومه‌ت.له‌به‌شێكی تری راپۆرته‌ی‌ لیژنه‌كه‌ هۆشداری داوه‌ له‌ دارمانی ته‌واوی ئابوری هه‌رێم و داروخانی بازاری دارایی، بۆیه‌ پێشنیاری كردووه‌ تا كۆتای ئه‌م ساڵ حكومه‌ت پلانێكی‌ نوێ له‌سیاسه‌تی‌ ئابوریدا په‌یڕه‌وبكات".

هەر لە هەواڵەکەی میدیاکەی بزووتنەوەی گۆڕاندا هاتووە : حكومه‌ت به‌نیازه‌ موچه‌ی‌ مانگه‌كانی‌ (10، 11 ،12) هاوشێوه‌ی‌ ساڵی‌ 2015 پاشه‌كه‌وت بكات ‌و له‌ ساڵی‌ نوێوه‌ هاوشێوه‌ی‌ ئه‌م ساڵ له‌مانگی‌ یه‌كه‌وه‌ ده‌ستپێبكاته‌وه‌ به‌مه‌ش حكومه‌ت موچه‌ی‌ حه‌وت مانگی‌ فه‌رمانبه‌ران‌و 6مانگ‌و نیوی‌ مامۆستایان قه‌رزدار ده‌بێت