به‌هۆی به‌كارهێنانی مادد‌ی هۆشبه‌ر، به‌ڕێوه‌به‌رایه‌تی ئاسایشی سلێمانی سزادانی چوار كه‌سی له‌لایه‌ن دادگای تاوانه‌كانی سلێمانیه‌وه‌ راگه‌یاند.

له‌ راگه‌یه‌نراوێكدا ئاسایشی سلێمانی دەنوسێت "له‌درێژه‌ی كاروچالاكیه‌كانی به‌ڕێوه‌به‌رایه‌تی ئاسایشی سلێمانی، به‌مه‌به‌ستی بنبڕكردن و ڕێگرتن له‌ هێنان و بازرگانی كردن به‌هه‌موو جۆره‌ مادده‌یه‌كی هۆشبه‌ره‌وه‌، هێزه‌كانی ئاسایشی سلێمانی توانیان له‌ناو شاری سلێمانیدا به‌بڕیاری دادوه‌ر و به‌پێی مادده‌ی (14) ی مخدرات ،له‌ ڕۆژانی (  21 / 4 / 2016) بۆ (16 / 6 / 2016)  چوار كه‌س ده‌ستگیربكه‌ن".

ئاماژه‌ی به‌وه‌شكردووه‌ "دوای گه‌ڵاڵه‌بونی دۆسیه‌كانیان و هه‌واڵه‌كردنیان بۆ دادگا، له‌ ڕۆژی ( 14 / 11 / 2016 ) له‌لایه‌ن دادگای تاوانه‌كانی سلێمانیه‌وه‌ سزادران به‌م شێوه‌یه‌ی خواره‌وه‌:

1- تاوانبار (ف،ع،غ) له‌دایكبوی ساڵی (1977 ) عیراق ، پیشه‌ی كاسب، ڕه‌گه‌ز نێر ، به‌تاوانی به‌كارهێنانی  مه‌وادی هۆشبه‌ر ده‌ستگیركراوه‌،سزادراوه‌ بۆ ماوه‌ی (1)ساڵ، غه‌رامه‌كردنی به‌بڕی (450000) چوار سه‌دوو په‌نجا هه‌زار دینار .

2- تاوانبار (ز،ع،ح) له‌دایكبوی ساڵی (1984) عیراق ، پیشه‌ی فه‌رمانبه‌ر،ڕه‌گه‌ز نێر ، به‌تاوانی به‌كارهێنانی  مه‌وادی هۆشبه‌ر ده‌ستگیركراوه‌، سزادراوه‌ بۆ ماوه‌ی (6)مانگ، غه‌رامه‌كردنی به‌بڕی (450000) چوار سه‌دوو په‌نجا هه‌زار دینار .

3- تاوانبار (م،ن،ف) له‌دایكبوی ساڵی (1996 ) عیراق ، پیشه‌ی كاسب ،ڕه‌گه‌ز نێر ، به‌تاوانی به‌كارهێنانی  مه‌وادی هۆشبه‌ر ده‌ستگیركراوه‌ ، سزادراوه‌ بۆ ماوه‌ی (5)ساڵ و یه‌ك مانگ، غه‌رامه‌كردنی به‌بڕی (450000) چوار سه‌دوو په‌نجا هه‌زار دینار .

4- تاوانبار (ب،ق،ب) له‌دایكبوی ساڵی (1971 ) عیراق ، پیشه‌ی ژنی ماڵ،ڕه‌گه‌ز مێ ، به‌تاوانی به‌كارهێنانی  مه‌وادی هۆشبه‌ر ده‌ستگیركراوه‌ ، سزادراوه‌ بۆ ماوه‌ی (6)مانگ، غه‌رامه‌كردنی به‌بڕی (450000) چوار سه‌دوو په‌نجا هه‌زار دینار.