پێش نیوه‌ڕۆی ئه‌مڕۆ چوار شه‌ممه‌ خۆپیشاندان له‌ هه‌ولێر ده‌ستیپێكرد به‌ڵام كه‌مێك له‌مه‌وبه‌ر له‌لایه‌ن هێزه‌كانی زێره‌ڤانی سه‌ر به‌ پارتی دیموكراتی كوردستانه‌وه‌ هێرشیان كرایه‌سه‌ر و به‌وهۆیه‌وه‌ گرژی و ئاڵۆزی دروست بووه‌ و وه‌ك له‌ ڤیدیۆكه‌شدا ده‌بینرێت هێزێكی زۆری زێره‌ڤانی له‌ شوێنی خۆپیشاندانه‌كه‌ بڵاوه‌یان پێكراوه‌.

به‌پێی زانیارییه‌كانی خۆپیشاندانه‌كه‌ی 16/11ی هه‌ولێر له‌لایه‌ن خوێندكارانی كه‌مپی مه‌خموره‌وه‌ ده‌ستی پێكردووه‌ كه‌ له‌ كوردانی باكوری كوردستانن و خوێندكاری زانكۆی سه‌ڵاحه‌دینن، به‌مه‌به‌ستی داواكردنی وه‌رگرتنی به‌شه‌ ناوخۆیی و خستنه‌ڕووی داواكارییه‌كانیان خۆپیشاندانیان ئه‌نجام داوه‌.

به‌شداربووانی خۆپیشاندانه‌كه‌ ئاماژه‌ به‌وه‌ده‌كه‌ن، سه‌رباری ئه‌وه‌ی بڕی ١٠٠ هه‌زار دینار له‌خوێندكاران به‌رامبه‌ر وه‌رگرتنی به‌شه‌ ناوخۆیی وه‌رگیراوه‌، كه‌چی نزیكه‌ی دوو مانگه‌ به‌شه‌ ناوخۆییان وه‌رنه‌گرتووه‌ و به‌وهۆیه‌وه‌ نه‌یانتوانیوه‌ ده‌وام بكه‌ن.
دواتر خۆپیشانده‌ران له‌لایه‌ن هێزه‌كانی زێره‌ڤانی سه‌ر به‌ پارتی دیموكراتی كوردستانه‌وه‌ هێرشیان كرایه‌سه‌ر و به‌وهۆیه‌وه‌ له‌ ئێستادا گرژی و ئاڵۆزی دروست بووه‌.

سەرچاوە: SNN