موچەی مانگی 10 دابەش دەكرێت
چاوەڕوان دەكرێت لە دوو هەفتەی داهاتوودا، دابەشكردنی موچەی مانگی 10ی فەرمانبەرانی هەرێمی كوردستان دەستپێبكات، بۆ ئەم مەبەستەش ئامادەكاری دەكرێت.
سەرچاوەیەی ئاگادار لە وەزارەتی دارایی و ئابوریی هەرێمی كوردستان بە (باسنیوز)ی وتوە "ئامادەكاری كراوە بۆ دابەشكردنی موچەی مانگی 10ی فەرمانبەران بۆئەوەش گەنجینەكان ئاگاداركراونەتەوە كاری پێویست ئەنجام بدەن بۆ وردبینیكردنی لیستەكانی موچەی مانگی 10ی سەرجەم وەزارەت و فەرمانگەكان".
سەرچاوەكە رەتیكردۆتەوە موچەی مانگی 10 بچێتە چوارچێوەی پاشەكەوت و وتویەتی "ئەو هەواڵانە دوورن لەڕاستییەوە كە باسی ئەوە دەكەن، ئەمساڵ هیچ موچەیەكی دیكە دابەش ناكرێت".
PM:02:30:01/12/2016