ئەندامێکی پەرلەمانی عێراق ڕایدەگەیەنێت ژمارەی پشووە فەرمییەكان كەمدەكرێنەوە
لیژنەی ڕۆشنبیری و ڕاگەیاندن لە
پەرلەمانی عێراق رایدەگەیەنێت، ژمارەی پشووە فەرمییەكان كەمدەكرێنەوەو ئەندامێكی
ئەو لیژنەیەش وردەكاریی زیاتر لەوبارەیەوە دەخاتەڕوو.
حەیدەر مولا ئەندامی لیژنەی ڕۆشنبیری
و ڕاگەیاندن لە پەرلەمانی عێراق بە میدیاکانی ڕاگەیاندووە تا ئێستا هەمواركردنەوەی
یاسای پشووە فەرمییەكان یەكلایی نەبۆتەوە و هەندێك لە ڕاگەیاندنەكان زانیاری هەڵە
لەسەر ژمارەی پشووەكان دەدەن.
ئەو ڕەتیدەکاتەوە کە 80 ڕۆژ وەك پشوو دانرابێت
و دەڵێت، تا ئێستا ڕێكەوتنی كۆتایی لەسەر دیاری كردنی ڕۆژی پشووە فەرمییەكان لە
عێراق نەكراوە.
هەروەها دەڵێت پشووە فەرمییەكان كەمن
و هەوڵیش بۆ كەمكردنەوەیان دەدرێت، چونكە هەر پێكهاتەیەك دەیەوێت تایبەتمەندی
هەبێت و لیژنەكەشیان كار بۆ یەكخستنی پشووە نیشتمانییەكان دەكات.
ناوبراو ڕاشیگەیاندووە پێشنیارمان
كردووە هەندێك پشوو بگۆڕدرێت بۆ ئاهەنگ و لەكاتی دەوام بە چەند كاتژمێرێك یادی
بكرێتەوە، ڕێكەوتن كراوە لەسەر ئەوەی بۆنەی "جەژنی غەدیر" بكرێتە پشووی
فەرمی، بەڵام تا ئێستا ناكۆكی لەسەر دیاری كردنی پشووی ڕۆژی نیشتمانی عێراق هەیە.