كۆلێژی زمان و زانستە مرۆییەكانی گەرمیان پێیوایە سترێجی تەسك‌و كورت شیرازەی زانكۆكەیان دەڕوخێنێت‌و داوا دەكات كچان جلوبەرگی پۆشتە لەبەر بكەن.

لە هۆڵی گشتی كۆلێژی زمان و زانستە مرۆڤایەتییەكانی زانكۆی گەرمیان ئاگادارییەك هەڵواسراوە كە یاریدەدەری راگری كۆلێژەكە واژووی كردوە و كچانی خوێندكار ئاگادار دەكاتەوە سترێجی تەسك و كورت لەبەر نەكەن و ئەو جلوبەرگەکان بە نەشیاو زانراوە.

لەئاگادارییەكەدا هاتووە "بۆ پاراستنی شیرازەی جوانی ژینگەی زانكۆیی داوا لە سەرجەم خوێندكاران دەكەین جلوبەرگ نەشیاو بەتایبەتی سترێج كورت وتەسك  لەبەر نەكرێت".