وەزارەتی پەروەردەی حكومەتی هەرێم ڕایگەیاند ڕۆژانی ٩ و ١٩ی ئەم مانگەی لە قوتابخانەكانی سلێمانی و هەڵەبجە و گەرمیان و ڕاپەرین پشو نیە.
لەنوێترین لێدوانیدا وتەبێژی وەزارەتی پەروەردەی حكومەتی هەرێم ڕایگەیاند بڕیاردراوە پشووی ڕۆژانی ٩ و ١٩ ئەم مانگە لە قوتابخانەكانی ئەو سنورانەی كە بایكۆتیان تێداكراوە هەڵبوەشێندرێتەوە
بەپێی هەواڵێكی ماڵپەڕی ئێن ئاڕ تی سامان سیوەیلی، وتەبێژی وەزارەتی پەروەردە دەڵێت "بڕیارەكە بۆ ئەوەیە كە قەرەبووی وانەی فەوتاوی قوتابیان و خوێندكاران بكرێتەوە لەو سنورانەدا".
رۆژی ٩ی مانگ یادی ڕوخانی ڕژێمی بەعسە و ڕۆژی ١٩ی مانگیش چوارشەممە سوری ئێزدییەكانە بەو هۆیەوە پشوی فەرمیە لە سەرجەم دامو دەزگاكانی حكومەتی هەرێم ڕاگەیەنرا.