وتەبێژی ئەنجومەنی سەركردایەتی پارتی ئاشكرایدەكات بارزانی بە مەرج ئامادەیە سەردانی نەوشیروان موستەفا بكات و ڕاشیدەگەیەنێت "لە ئێستادا بارزانی بەدیلی نیە".
لە چاوپێكەوتنێكی ماڵپەڕی خەڵك لەگەڵ عەتا شێخ حەسەن وتەبێژی ئەنجومەنی سەركردایەتی پارتی لە سنوری سلێمانی و هەڵەبجە، لەبارەی پۆستی سەرۆكی هەرێم ڕایدەگەیەنێت "لە ڕوانگەی زەرورەتی قۆناغەكە و كارامەیی بارزانی لەنێو پارتی و حیزبەكانی تریشدا بەدیلی نیە".
عەتا شێخ حەسەن، باس لەوە دەكات بارزانی ئامادەیە سەردانی تاك بەتاكی هەرێمی كوردستان بكات بەمەرجێك ئەو كەس و لایەنە خۆی حیزبەكەی لە خزمەت پرسی ڕیفراندۆم و سەربەخۆیی كوردستاندا بێت، هەروەها دەڵێت "ئەركی سەركردە سیاسیەكانە لەدەوری پەیامەكە نەتەوەییەكەی بارزانی كۆببنەوە كە بۆ پرسی ڕیفراندۆم و سەربەخۆیی بەرزی كردۆتەوە".
وتەبێژی ئەنجومەنی سەركردایەتی پارتی ڕایشیگەیاند "ئەگەر نەوشیروان موستەفا پشتگیری پەیامەكەی بارزانی بكات ئەوا مەسعود بارزانی ئامادەیە سەردانی بكات".