دوو ڕاگەیاندنكاری كۆمەڵی ئیسلامی دەستیان لەكاركێشایەوە و ڕەخنەی توندیش لە كۆمەڵ دەگرن.
هەردوو ڕاگەیاندنكار حاجی زێرەڤان بەرواری و زێرەڤان بەرگارەی كە دوو راگەیەندنكاری كۆمەڵی ئیسلامین لە پارێزگای دهۆك دەستیان لەكاركێشایەوە.
ئەمڕۆ لە پۆستێكی هاوبەشیاندا لە تۆڕی كۆمەڵایەتی فەیسبوك ئەو دوو ڕاگەیاندنكارەی كۆمەڵی ئیسلامی دەستلەكاركێشانەوەی خۆیان لە كۆمەڵی ئیسلامی و ڕاگەیاند و وەك خۆیان دەڵێن دەستلەكاركێشانەوەیان بەهۆی "ژێرپێخستنی" خزمەتـەكانیانەوە.
زێرەڤان بەرواری و زێرەڤان بەرگارەی لە پۆستەكەدا رایانگەیاندووە كە "بەرپرس و كارگێڕانی كۆمەڵی ئیسلامی بۆ مەرامی تایبەتیی خۆیان، خزمەتی ئەوانیان ژێرپێ خستووە".
ئەو دوو راگەیاندنكارە ئاماژەیان بەوەش كردووە، كە ئەو بەرپرسانەی كۆمەڵی ئیسلامی ئایینی ئیسلام و پۆستەكانیان "بۆ تێركردنی سكی خۆیان بەكاردەهێنن".