وه‌زاره‌تی ئه‌وقاف و كاروباری ئاینی‌ حكومه‌تی‌ هه‌رێمی‌ كوردستان ئیدانه‌ی ته‌قینه‌وه‌كه‌ی‌ مزگه‌وتی‌ به‌هه‌شت ده‌كات .

وه‌زاره‌تی ئه‌وقاف و كاروباری ئاینی‌ حكومه‌تی‌ هه‌رێمی‌ كوردستان به‌یاننامه‌یه‌كی‌ سەبارەت بە تەقینەوەکەی ئەمشەوی مزگەوتی بەهەشت لە شاری سلێمانی بڵاوکردەوە و تێدا هاتووە"به‌داخه‌وه‌ ئه‌مشه‌و 2017/6/16 له‌كاتی سه‌رقاڵبوونی مسوڵمانان و نوێژخوێنان به‌ عیباده‌ت و ته‌راویحی مانگی ڕه‌مه‌زانی پیرۆز له‌ شاری سلێمانی ئازیز ده‌ستێكی تێكده‌ر و دژ به‌ ئاشتی ھه‌ڵیان كوتاوه‌ته‌ سه‌ر مزگه‌وتی به‌ھه‌شت".

وه‌زاره‌تی ئه‌وقاف دووەڕاشیگەی "له‌ڕێگه‌ی نارنجۆكێكی ده‌ستیه‌وه‌ ته‌قینه‌وه‌یان ئه‌نجامداوه‌ و تیایدا چه‌ند ھاونیشتیمانییه‌ك بریندار بوون و دواتر ئه‌نجامده‌ران رایان كردووه‌".

جەختیشکراوەتەوە "ئێمه‌ له‌ وه‌زاره‌تی ئه‌وقاف و كاروباری ئاینییه‌وه‌ به‌توندی ئیدانه‌ی ئه‌مجۆره‌ كرده‌وه‌ ترسنۆكانه‌ و نامرۆڤانه‌یه‌ ده‌كه‌ین، داواش له‌ لایه‌نی په‌یوه‌ندیدار و ھێزه‌ ئه‌منییه‌كانی پارێزگای سلێمانی ده‌كه‌ین به‌زووترین كات ئه‌نجامده‌رانی ئه‌م كرده‌وه‌ تێكده‌رانه‌ ده‌ستگیر بكه‌ن و به‌سزای یاساییان بگه‌یه‌نن".